Hvernig þú kemst hingað

Djúpavík er í botni Reykjarfjarðar á Ströndum, sem tilheyra norðvesturhluta Íslands. Það tekur á bilinu 4 til 5 tíma að keyra hingað frá bæði Reykjavík og Akureyri.

Fylgið hringvegi 1 að Brú í Hrútafirði, þar er beygt inn á veg nr. 61. Ekið eftir honum u.þ.b. 100 km. til Hólmavíkur og áfram aðra 12 km, þar er beygt til hægri á veg nr. 643 í átt að Norðurfirði.  Eftir aðra 60 km. muntu koma til Djúpavíkur.

Þú getur ekki misst af okkur, við erum í fyrstu húsaþyrpingu sem þú sérð eftir klukkustundar akstur frá Hólmavík.

Vinsamlegast athugið að engin bensínstöð er á milli Hólmavíkur og Norðurfjarðar. Takið því eldsneyti á Hólmavík.

Einnig er hægt að taka flug frá Reykjavík á Gjögur. Flugfélagið Ernir flýgur tvisvar í viku, á mánudögum og fimmtudögum og við sækjum ykkur á flugvöllinn.